Rikicin daba a kano

on

Rikicin ‘Yan Daba a Kano: Daga Sadik Yusuf, Kano Nigeria

Daga Sadik Yusuf – Kano, Nigeria
Tuntuba: sadiku854@gmail.com
Shafinmu: nishadisport.blogspot.com

Abin Da Ke Faruwa a Kano

Ya kamata mu fuskanci abinda ke faruwa mu fadawa kanmu gaskiya game da matsalar da ke addabar jihar Kano – wato rikicin 'yan daba. Wannan matsala da take nema ta gagari Kundila  ta shafi unguwanni da dama a jihar ta kano , kamar irinsu Dorayi, Sheka, Dala, Zage, Kofar Mata dharada, ja'in da kuma kurnar Asabe da dai sauran su.

A nin yazama kamar annoba.Yara da basu kai shekaru 15 zuwa 18 ba suna haduwa suyi gungu suna fada a tsakaninsu  suna kai hare-hare a inda suke so. Suna amfani da makamai masu hadari irin su adda, barandami, fafalo, da kuma kayan maye da suke shaye-shaye. Sau da dama, suna aikata laifuka masu tsanani har da kisan kai. Basu jin tsoron Allah balle hukuma, har ma suna jifan 'yan sanda.

Wasu lokutan har suna jikkata jami'an tsaro ko ma fararen hula da basu san hawa da sauka ba. Wannan yanayi yana kara tsananta tsoro da fargaba a zukatan al'umma. Musamman in kabiyo ya inda suke fada da juna lamarin yayi tsamari yaran basa jin bari basa ganin girman manya da dattijan unguwa. 

Tasirin Iyaye da Gwamnati

Masana harkokin yau da kullum suna ganin cewa:

  • Iyaye su daina kare yaransu idan suka aikata laifi.
  • Hukuma kuma ta rika ɗaukar hukunci mai tsauri, ba tare da nuna son kai ba.
  • Gwamnati ta sanya ido sosai wajen hana siyasa shiga cikin shari’a, domin ana zargin wasu ‘yan siyasa da hana hukunci kai tsaye ga bata-gari ta hanyar shisshigi daga alkalai. Da bada toshiyar hanci don a saki yaran saboda suna yimusu aikin lokacin zabe.

Har yanzu, akwai unguwanni da 'yan daba ke shiga har cikin gida suna karya ƙofofi don satar wayoyi da kaya. Wannan matsala ta zama abin ƙin ji a cikin al’umma. Dole ne kowa ya tashi tsaye wajen addu’a da aiki don samun zaman lafiya da tsaro. 

A sasu a makarnta don rashi karatu ba abin da baya sawa shaye-shaye da sauran muna nan laifuka, Allah ya sawaka.

Hanyoyin Magance Matsalar

Ana baiwa gwamnatin Kano shawara ta dauki matakai masu amfani kamar:

  • Samar da ayyukan yi ga matasa.
  • Ba da ilimi mai inganci da horo kan sana’o’in hannu.
  • Tattaunawa da matasa a unguwanni daban-daban don sulhu.

A lokacin gwamnatin tsohon gwamna Rabi’u Musa Kwankwaso, an yi amfani da manyan mazauna unguwanni wajen  yin sulhu tsakanin kungiyoyin matasa. Wanda basa jituwa da juna da kima masu fadan daba.Wannan salon ya rage yawan rikice-rikice. Fa kawo zaman lafiya a unguwanni. Muna fatan gwamnatin yanzu ta Gwamna Alhaji Abba Kabir Yusuf za ta koma kan irin wannan tsarin don samun mafita.

Dole ne gwamnati da al’umma su hada kai wajen tunkarar wannan matsala domin yaran sun shiga halin da ba sa jin magana ko tsoron hukuma.

Matsalar ‘Yan Adaidaita Sahu

Wani bangare na wannan rikici shi ne ‘yan adai daita sahu. Wasu daga cikinsu suna hade da ‘yan daba. Suna daukar fasinja suna yi masu dabara don su sace masu wayoyi ko kaya. Daga nan sai su ce sun manta hanyar, su sauke mutum, su gudu. Hakan tasha faruwa a titunan jihar kano. 

Haka chan lokacin gwamnatin tsohon gwamna Abdullahi Umar Ganduje ta sa dokar hana 'yan adaita sahu yin aiki daga goma na dare zuwa shida na safe.

An samu sauki kadan bayan da gwamnati ta takaita ayyukan adaidaita sahun daga karfe 10 na dare zuwa 6 na safe, amma har yanzu akwai bukatar kara sa ido. Sosai akansu kuma gwamnati ta tantancesu asan suwaye suke aiki a jihar. Domin wasu suna kwararowa jihar ta Kano domin yin aikin adaidaita sahun basu da wajen kwana a cikin babur din suke kwana. 

Kaga irin wa 'yan nan zasu zama barazana ga zaman lafiya koma ace sune suke aikata laifuka da kuma wasu masu irin askin banza a kansu da masu sa gajeren wando suna aiki da lika hotunan banza, duk wannan yakamata a hanasu aikata hakan Allah ya a sawake amin.

Matsalar yara masu gwan-gwan 

Wata sabuwa kuma da itama take addabar al’umma. Wayo itace sana'r gwan-gwan wannan sana'ace wadda aka dade anayi amma yanzu tazama wata matattara matsala a jihar Kano, saboda matsin tattalin arziki yasa iyaye basa iya daukar nauyin 'ya 'yansu saikaga kananan yara suna yawo kwararo-kwararo suna tsince-tsince a buhu.

Wani lokaci gansu da duku-duku suna yawo da sunga abin mutane su dauke basa ko tsoran Allah wanda kamata yayi ace iri wannan yara suna makaranta.

To Allah ya horewa iyaye suci gaba da daukar nauyin iyalansu, su sasu a makaranta don asami yara na gari a nan gaba domin hausawa nacewa yara manyan gobe, Allah yakawo mafita ya horewa kowa Amin. Domin tashin abinci da yara zasu such shi yajefasu cikin wannan masifa.

Kammalawa

Matsalar 'yan daba a Kano na kara tsananta. Sai an hada karfi da karfe tsakanin gwamnati da al’umma kafin a iya magance wannan gagarumar matsala. Hadi da ta 'yan adaidaita sahu fa kuma ta yara masu yawon gwan-gwan  Muna rokon Allah ya kawo sauki.ya kawo fauki baki daya.
Amin.

Tuntuba:


Comments

Post a Comment